Ora Mezo

Nu do, ŝajnas ke mi jam decidis pri miaj blogoj kaj retejoj.

Mi restigu mian konton ĉe Ipernity ĉefe por fotoj kaj ĉi-tiun blogon kaj retejon por Esperantlingvaj tekstoj kaj blogeroj.

Por ruslingvaj tekstoj mi havas mian ĉefan retejon ĉi-tie kaj mi restigu nur VivĴurnalan konton por fotoj ktp. Ĉiuj aliaj blogoj, vikioj kaj paĝaroj estu forigitaj post kiam mi transportos tekstojn.

Mi malkovris por mi mem WordPress.com. Mi jam kreis novan rusligvan paĝaron kaj metis tien ĉiujn miajn artikolojn, projektojn ktp (vd. dmych.wordpress.com). Iom poste mi kreis alian blogon tie: oramezo.wordpress.com - por skribi Esperante.

Mi komencis publikigi fotojn ĉe diversaj fotobankoj. Jen estas la unuaj:

fotolia
albumo

Klaku sur la bildo kaj spektu!

Modelo: Nastja

(klaku sur la foto por vidi pli)

Novaj fotoj spekteblas ankaŭ en mia fotoblogo: http://cxiutaga-fotisto.blogspot.com/
kaj ĉe Ipernity: http://www.ipernity.com/home/dmych
Bonvenon!

Hierau mi ricevis ankorau unu kontrakton (konvencion? angle Model Release). Mi jam delonge volis tiun fraulinon farighu mia modelo. Shi fakte ankau volis tion. :)
Do, mi malfermas novan sezonon de fotado. Por marto mi planas du fotosesiojn, kaj du por aprilo. Kaj mi jam havas modelojn. :)

Post plia esplorado mi trovis ke Flickr permesas krei senpage nur tri albumojn! Ne, mi ne volas pagi. Sufiĉas ke mi pagas por FishUp, sed tiu ja estas pli utila por mi!

Nu, mi igis Deepest Sender funkcii sub Firefox kaj mi estas sufiĉe feliĉa. :)

P.S. Se ĉe vi Deepest Sender ankaŭ ne funkcias sub Firefox en Vindozo XP, vi malfermu dosierujon C:\Documents and Settings\{VIA NOMO}\Application Data, ŝanĝu nomon de la dosierujo Mozilla al Mozilla_bak (aŭ ia alia), relanĉu Firefox'on kaj instalu Deepest Sender denove. Nun, se ĝi funkcias, vi kopiu viajn legosignojn kaj agordoj - por tio necesas fermi Firefox'on kaj kopii bookmarks.html kaj prefs.js el la konservita Mozilla_bak en la novaperinta dosierujo Mozilla.

Antaŭ nelonge mi trovis ke mia plej ŝatata programo por enskribi en blogojn, Deepest Sender tute ĉesis funkcii en Firefox en la hejma komputilo. Mi ja havas kelkajn blogojn, do mi volas uzi nur unu programon por blogi, kaj Deepest Sender estis tia...

Kion fari? Mi rememoris ke mi ja havas alian foliumilon Flock, kiu devenas de Firefox. Kaj tiu ĉi foliumilo prezentas sin kiel socia foliumilo - ĝi jam de komence havas programeton por blogi (devenan interalie de Deepest Sender), sed mi ne povis uzi ĝin pro iuj problemoj kun unikodaj nomoj de blogoj - ĝi montris ilin malĝuste. Do, mi instalis Deepest Sender en ĝi kaj komencis uzi ĝin anstataŭ tiu kromprogramo. Ŝajnas, ke ĉio funkcias bone.

Ankaŭ mi finfine registris min ĉe Flickr kaj nun estas esploranta ĝin. Flock ankaŭ havas interfacon al Flickr kaj al Photobucket - ankoraŭ unu fotodeponejo. Mi jam uzis ĝin antaŭ, sed poste trovis kelkajn aliajn. Tamen, mi ankoraŭ ne decidis, ĉu mi uzu Flickr aŭ Photobucket anstataŭ nun uzata Picasa Web Albums, ĉar mi ja uzas Picasa'n mem kiel indeksilo kaj serĉilo por miaj fotaĵoj. Sed Google donas nur 1024M por fotaĵoj kaj mi jam okupis 17% da spaco.

Estas ja ankotaŭ Ipernity kaj Yandex, kiujn mi ankaŭ uzas... Do, kion mi elektu?

Kalle denove vizitis Moskvon (pro la hodiaŭa baloto). Li akompanis min dum mi voĉdonis kaj eĉ faris kelkajn fotojn de mi en la balotejo. Li ja devas verki artikolon por sia gazeto pri elektoj en Rusio.

Poste li vizitis nian hejmon. Ni tagmanĝis kaj babilis, ĉefe pri politikaj aferoj, kompreneble.

Interalie, mi tuj malkovris ke li metis sian foton faritan de mi en sia paĝo Kiu mi estas?. Tre agrablas ke la foto plaĉas al li. :)

Dum la lastaj tagoj forpasis Claude Piron kaj Don Harlow.
Tio estas grava perdo, grandega bedaŭro por Esperantujo. :(

Saluton!

Mi komencas enretigi fotaĵojn faritajn en vintra Kislovodsk (interalie, mi naniam vizitis tiun urbon dumvintre). Ankaŭ mi neniam antaŭ vidis Elbruson tiel bone.

( Spekti la fotojn )

Post semajna vojagxo al Kislovodsk mi revenas hejmen.
Dum la vizito mi faris multe da fotajxoj. Ili aperos post kelkaj tagoj.

Lunde mi forveturos al Kislovodsk viziti miajn gepatrojn. Sed mi revenos post unu semajno. Kaj, kompreneble, mi kunportos iom da novaj fotaĵoj. :)
Do, ĝis la!

Mi ĵus agordis mian blogon ĉe ya.ru por ke ĝi kolektu blogerojn ne nur de miaj ĉefaj ruslingvaj VivĴurnalo kaj Blogger, sed ankaŭ de preskaŭ ĉiuj aliaj: de tiu ĉi blogo kaj de la blogo ĉe Diino kaj finfine de mia esperanta blogo ĉe Blogger.

Kalle Kniivilä vizitis Rusion kaj sabate ni povis renkonriĝi sur la stratoj de Moskvo. Ni promenis laŭ Novij kaj Malnovij Arbatoj kaj babilis. Li estas ege interesa persono, kaj mi ĝojas ke mi sukcesis pasi tiom da tempo kun li (malgraŭ mia aĉa parola lingvo ni konversaciis en Esperanto kvankam Kalle bonege parolas la rusan).

( pli da fotoj )

Malĝis!

Mi estas iom tro okupita por blogi, tamen mi iom aktivas ĉe Ipernity - plejparte mi sendas tien malnovajn fotaĵojn. Ankaŭ mi estas tradukanta unu mian artikolon pri fotografio. Baldaŭ, mi esperas, ĝi aperos ankaŭ ĉi-tie. La tradukado malfacile kuras, ĉar mankas al mi
bona fototerminaro.

Do mi volis nur informi vin, ke mi vivos plu kaj ĉio bonas ĉe mi kaj mia familio.

Malsaluton!

Jen estas mi ĉe Ipernity: http://dmych.ipernity.com/
Bonvenon!

Kiel skribis Libera Folio, la granda foto-retejo Ipernity lanĉis sian esperantan fasadon. Jen ĝi estas: http://www.ipernity.com/home?lg=eo

La veterprognozo ne trompis. Jen estas kelkaj fotoj de hodiaŭa vetero en Moskvo. Mi faris ilin el miaj fenestroj.

( pli da fotoj )